E cifra di hende muher deteni pa core auto bou influencia di alcohol ta basta halto – Polis lo sigui cu controlnan di trafico mirando e cifranan halto di hendenan coriendo auto bou influencia

Durante un entrevista cu vocero policial, sr. Lito Lacle, el a duna di conoce cu e controlnan policial lo sigui, especialmente durante fin di siman.

Segun Lacle, e cifranan cu ta haya for di e controlnan ta bisa cu e parti preventivo pa cu coremento di auto bou di influencia, no ta funciona y ta dor di esey mester bay n’e parti represivo.

 

Segun Vocero di Polis, e ta remarcabel pa mira cu durante e control di trafico di e fin di siman tras di lomba a detene un cantidad toch halto di hende muher, cual no tabata e custumber den pasado.

“Remarcabel tabata cu tabatin 4 chauffeur femenino cu a wordo deteni pa core bou influencia di alcohol. Normalmente e ser masculino ta esun cu ta wordo deteni mas tanto, pero den e caso aki loke ta biniendo dilanti ta cu e ser femenino tambe ta compitiendo cu e ser masculino.” Tabata palabranan di sr. Lito Lacle.

 

Mirando e resultadonan cu tin awor, cu no ta mucho alentador, Departamento Policial lo mester bay sinta na mesa y traha un plan pa anda cu e situacion aki.

Aworaki temporada di fin di aña ta den porta, cu ta un temporada conoci di ta rekeri hopi atencion policial riba caya, y pa cu esaki Cuerpo Policial tin di bay sinta y delinea un plan pa cu controlnan di trafico.

Leave a Reply

Top