E forma con un Nissan Sentra a dal un hoben na Tanki Leendert ta indica un intento di asesinato

Diasabra den oranan di atardi, un supuesto caso di “hit and run” a tuma lugar den area di Tanki Leendert, caminda un hoben a keda malamente herida.

 

Polis a presenta n’e sitio y constata cu e hoben a wordo atropea intencionalmente.

Segun e hoben, un Nissan Sentra color cora a bin stret riba dj’e y dal e pa despues sigui core bay direccion Ponton. Tabatin tres ocupante den e Sentra y e chauffeur ta wordo describi como un persona masculino cu color di cuero cla.

 

E hoben a ricibi slanan serio na su cabes y su cara y tabata sangrando hopi. A pidi presencia urgente di Ambulance pa transporta e hoben pa Hospital, mientras instancianan policial a wordo notifica pa cuminsa cu un investigacion di e caso aki cu tin indicacionnan di un intento di asesinato, mirando e estado critico di e hoben. Fotos cortesia di ArubaNative.com

Leave a Reply

Top