E importancia di Bon Periodisimo den comunidad, Scirbi pa: Stan Dabian; PR and Communication Officer

Awe den e tempo dinamico y tecnologico di awendia periodismo ta move den un fraccion di seconde y riba internet mas liher cu nos ta pensa. Prensa mes como institucion ta situa den edificionan sofistica y masha riba un blog virtual cu avansenan moderno.

Prensa y importancia di un bon periodismo cu como fuente importante pa informa, educa, conscientisa den e desaroyo comunitario di un sociedad y su formacion.

 

E bon periodismo mester ta di informacion veridico, conciso, y trece e dos banda di e medaya di tur noticia. Tambe e importancia di periodismo na nivel mundial ta importante pa maneha esaki cu responsabilidad y mantene un caracteristica di un rol necesario den comunicacion.
Nunca den historia di e humanidad, e hende tabatin tanto medio pa comunica p’e escencia di un informacion stop di existi.

Cu otro palabra comunicacion a caba cu e informacion. Anto e ora nada ta mas bieu cu e corant of noticia di ayera.

 

E importancia di duna balor na cierto tema cu ta destaca pa media masivo di comunicacion, ta influencia e aumento di interes pa cu esaki entre e publico.

Ta importante pa prensa informa, educa, forma un comunidad y pasa e informacion veridico p’e nivel di desaroyo general ta na su lugar cu e uzo di Papiamento ta segun loke a ser aproba den sala di Parlamento di Aruba.

Esaki for di momento cu Papiamento a keda oficialisa como idioma riba dia 21 di mei 2003. Cual ta conta tanto pa uzo por escrito como verbal.

 

Director, Staf y personal di DCA ta felicita dia 1 di september 2017 cada miembro di prensa y tur esnan cu ta traha den medionan di comunicacion riba Dia di Prensa aki na Aruba.

Masha danki pa boso cooperacion, colaboracion y publicacion durante ana 2017.

Top