E pakico Jacky van Putten di POR t’e mihor representante pa deporte di nos isla

Pa eleccion di dia 22 di september 2017, Jacky van Putten a postula su mes riba e lista di Plataforma E Forsa Nobo, POR, cu e meta  pa representa deporte den e proximo gobernacion.  Un proceso difícil y complica na unda pueblo votador mester bay deposita su confianza den un partido y un persona.

Bo voto ta representa e voz di pueblo y p’e motibo aki ta importante cu bo use consciente y responsabel.

Como pueblo bo mester sa pa kico e partido ta para pe y si e persona cu bo kier representabo tin e sinceridad, capacidad y experiencia pa ehecuta e plan di maneho na bienestar general di Aruba y deporte specificamente den e caso aki.

 

Según Jacky van Putten ta difícil pa drenta tur cas of tin un combersacion cu tur cu ta interesa den mira un mihor maneho di deporte nan unda e futuro deportistanan di Aruba por wordo bon representa.

Den e lunanan cu ta bin prome cu bo deposita bo voto Jacky van Putten ta bisa di kier presenta su mes, su trayectoria deportivo, experiencia, dedicacion na deporte y mas cu tur e plan pa cu deporte.

E tin e bentaha di t’e mihor representante político awe cu lo por haci e diferencia aki pa deporte, simplemente pasobra e tabatin un tremendo maestro, su tata Roy van Putten (fundador di IDEFRE) y tambe el a traha cu tur Ministerio cu a maneha e deporte aki na Aruba.(e sa kico ta come y bebe di deporte).

 

Como candidata riba e lista di POR cu Jacky van Putten su pasion pa deporte e lo bay comparti algun di su experiencia di 34 aña laborando den deporte p’asina pueblo en general por conoce su persona den su trabou profesional y social.

Den su prome 12 añanan di su carera na IDEFRE, el a traha como instructor di deporte. E tabata forma parti di Departamento di Deporte Escolar unda el a duna varios les di gym na diferente scol basico, secundario y scolnan special manera FAVI, Scol Duna un Man, Bibito Pin y Sjaburiruri  y tambe guia maestronan riba e tereno di deporte/gymnastiek.

 

Un di nos tareanan principal tabata organisa competencia escolar y weganan interinsular (competencia entre e islanan di Antiyas).

Den oranan di merdia Jacky van Putten a duna les di deporte den diferente bario unda muchanan di scol basico tabata atende masalmente.

Banda di lesnan di gym na scol el a traha na Scol Duna un Man y Scol Scucha Nos dunando  les di natacion n’e clientenan cu e meta pa nan por proteha nan mes den awa y tambe relax nan curpa y mente.

Den e mesun periodo aki  el a haya e oportunidad pa traha pa 5 aña na KIA unda el a ehecuta varios programa deportivo pa detenidonan masculino, femenino, hubenil y cuidador di preso.

 

Tambe na Cuerpo di Bombero, Polis un tempo el a duna les di condicion y selfdefense  (Polis) y n’e Traimerdianan di Gobierno pa guia e leidsternan pa cu nan lesnan di gym.

Despues di 1995 el a haya otro funcion den departamento di IDEFRE unda el a bay den funcion di chef unda el a cuminsa traha mas riba nivel di maneho pa cu deporte den bario, deporte escolar y  deporte pa un y tur, cu ta e departamento cu ta encarga cu caredanan conoci e.o  Betico Loop, Turibana Loop, Half Marathon y otro caredanan. Tambe e departamento aki tabata encarga cu deporte y recreacion pa tur departamento di Gobierno.

 

Banda di tin e funcion di chef, Jacky van Putten  a forma parti di diferente organizacion manera werkgroep “Voeding en Beweging” en cooperacion cu Directie Volksgezondheid, encarga cu e testnan fisico pa estudio di deporte na Hulanda (CIOS) y den e periodo di 2010-2012 e tabatin tambe e funcion di 1ste wnd hoofd di IDEFRE. Y asina e por sigui pa demostra cu ora papia di deporte, ta un solo nomber tin, Jacky van Putten.

Top