E problematica di mas grandi ta cu Minister di Husticia no ta uza e instrumentonan cu e tin segun Andin Bikker

Pa conclui e tema di falta di falta di plan pa combati abuso di mucha, cu el a trata den rueda di prensa di Partido POR, Plataforma Forza Nobo, Andin Bikker a bisa cu e problematica di mas grandi ta cu e Minister di Husticia no ta haciendo uzo di e instrumentonan cu e tin.

 

Pero na final di dia un Minister di Husticia ta responsable pa tur e leynan di nos pais, traha ley tambe y bin cu conceptonan di ley.

Segun sr. Bikker, “Si e mes como Minister tin e instrumentonan aki, pero e no ta modernisa nos leynan, apesar cu na Corsou y Sint Maarten na 2014 bou mi proposicion a adapta un resolucion pa introduci un Academia di Ley, netamente pa nos por tin mas academico cu por tin e experticia pa traha conceptonan di ley.

Anto Minister di Husticia, djis pasobra Andin Bikker a propone, e no a ehecut’e, e ora ey den su capricho di no ehecuta ideanan cu a bin di otro personanan, e ta perhudica nos pais”.

 

Bikker su conclusion ta cu Minister di Husticia un bes mas pa falta di vision y curashi no ta apto pa ocupa e puesto y na september, kiermen aki un par di luna, sigur cu pueblo lo sa di duna di conoce su opinion desaprobando e falta di vision y di maneho di Gabinete Eman II pa loke ta trata e inseguridad riba nos isla”, Andin Bikker como miembro di POR, Plataforma Forza Nobo a conclui su tema.

Top