E seleccion di Aruba Taekwondo Bond a sali pa Open USA

Diasabra merdia e seleccion di Aruba Taekwondo Bond ARTBO cu ta consisti di 3 atleta y 1 coach a sali for di Aruba pa participa na Open USA.

For di aña pasa caba e team di Aruba tabata preparando su mes bou guia di coach Teofilo Rodriquez pa nan por ta bon prepara p’e Open USA cu ta ranking G2.

E team di Aruba ta conta cu participacion di Nassip Bislip, Chiara Petrocchi y Jayvan Jansen.

E Open USA a cuminsa for di ayera y te cu dia 2 di februari y e team mester yega registra y pisa.

Dr. Guaicaipuro Jimenez, Presidente di ARTBO a bay despidi di e team na Aeropuerto y desea nan tur clase di exito.

Top