E siman aki, varios partido lo anuncia algun candidato nobo

Despues cu e siman aki, partido Movimento Aruba Soberano (MAS) di Holmo Henriquez a presente 3 candidato nobo pa su partido, partido POR dialuna awor lo presenta dos candidato nobo, cu ta bin di distrito di Pariba di Brug y nan tabata miembro di partido AVP.

Nos ta laga pa dirigencia di partido POR mes anuncia nomber di e dos candidatonan aki.

 

Partido MAS su candidatonan presenta ta Norman Kuiperi, conocido comerciante, Leonardo Maduro, kende a studia pa dentist y te ainda su diploma no por wordo reconoci pa por haci su trabao.

E otro candidato ta Jenny Ras, kende ta un persona cu tin su limitacion fisico y kier sali na defensa di e personanan cu un of otro limitacion fisico.

 

Partido MEP, di acuerdo cu su lider Evelyn Wever Croes, dia 17 awor lo lansa algun di su candidatonan nobo. Aki tambe nos a tende di un candidato, kende te recientemente a forma parti di Directiva di Camara di Comercio.

 

Siman benidero lo bira uno masha interesante, maske cu di acuerdo cu ayera Prome Minister Mike Eman a firma e decreto, cu ta confirma cu eleccion lo ta dia 22 di septembe awor, nifica cu lista di candidatonan mester ta entrega na luna di augustus.

Kier men ainda tin hopi sorpresa na caminda pa loke t’e diferente candidatonan politico.

 

 

Leave a Reply

Top