E tabata conoci caba, pero ayera el a ser oficialisa Drs. Marisol Lopez Tromp a bira miembro di Plataforma Forza Nobo, POR

Ayera tabata un dia hopi special pa dirigencia di Plataforma Forza Nobo, POR, ora cu a keda anuncia cu drs. Marisol Lopez Tromp a uni su mes na dicho partido politico, cu lo bay eleccion proximamente.

Esaki lo duna mas contenido n’e nomber di Plataforma Forza Nobo, cu a ser funda pa Otmar Oduber, kende despues di su retiro for di Gobierno di AVP, a dicidi di sigui den politica.

 

A bin cu un plataforma nobo, cu ideanan nobo, pa forma un equipo cu lo kibra e rutina di ultimo 40 aña di un partido geel y un otro color berde y asina a aserca Andin Bikker di PDR, y asina a conduci na un union di un partido nobo, segun Otmar Oduber.

Banda di e candidatonan, cu tambe a afilia na Plataforma Forza Nobo, ayera a dicidi di presenta drs. Marisol Lopez Tromp como nan candidato nobo.

 

POR ta trahando pa presenta un programa pa gobernacion, cu lo duna un bista asina amplio, cu lo refleha e necesidad cu ta biba den comunidad.

Y cu esaki, drs. Marisol Lopez Tromp a dicidi di uni tambe n’e plataforma nobo aki, siendo un persona di principio. Ta varios deliberacion tabatin pa crea e forza aki di 3 politico activo, cu ta representa 9 mil voto, nifica sigur un partido di 3 asiento, pasobra nan tin un meta en comun.

 

Otro siman, POR lo anuncia mas candidato cu lo uni n’e partido nobo aki, cu lo bira e di 3 forza politico di Aruba.

Andin Bikker a mustra cu si mira e experiencia cu ta ser uni den Forza Nobo, cu den 30 aña di Statrus Aparte di Aruba, lo bay crea un balance, un alternative electoral, cu t’e balansa perfecto di hendenan cu kier sirbi nan pais.

E combinacion aki di experiencia politico, POR kier ofrece votadornan di Aruba e plataforma desea, cu t’e forza nobo tan desea.

Top