Eddy Ras di Forsa Nobo: Banda di digitalisa enseñansa mester mantene e calidad cu technologia no ta remplasa e conocemento di alumno

Computer ta un instrumento (“hulpmiddel”) cu alumnonan mester den enseñansa actual y pa den futuro. P’e motibo digitalisacion di enseñansa ta un necesidad.

Na mesun momento como instituto educativo mester percura cu tecnologia no remplasa e conocemento di alumno. E calidad di e metanan cu un alumno mester eherce mester keda na vigor, asina e candidato di POR, Eddy Ras a duna di conoce.

 

Si tira un bista riba e metanan cu un scol basico ta rekeri di un alumno ta lo sigiuente: Enseñansa basico tin como meta e desaroyo general di e mucha cu ta cubri e siguiente materianan:

 

Lesamento

Skirbimento

Rekmento

Hulandes

Historia

Geografia

Conocemento di             naturalesa

Musica

Tekmento

Ehercicio fisico

Habilidad manual

Trafico

Ciencia social

Papiamento

Materia adicional cu por wordo cubri:

Ingles

Spaño

Religion

 

Por ehempel calculator ta tecnologia. Si pone atencion, den un scol basico un di e metanan ta cu e alumno mester por ta domina rekenen.

E dominio di rekenen ta pa ora un alumno sigui pa un scol secundario y mester haci uzo di calculator, cu e sa kico e calculator ta haci.

Si e primi algo robes riba e calculator e alumno mester por sa cu e contesta cu e ta haya no ta corecto, pa motibo cu e mes por haci un calculacion prome cu haci uzo di un calculator.

 

Logicamente pa tareanan mas avansa alumnonan di scol lo sigui haci uzo di calculator, pero e calculator no mester pensa pa nan. Nan mes mester por calcula di antemano kico e contesta lo ta y pues ripara ora cu calculacion duna no por ta corecto.

Un otro ehempel ta habilidad manual. Habilidad manual t’e motoriek di e alumno mester pinta, scirbi, uzo di sker, prik, etc.

Awor tin diferente programa digitalisa cu un persona por pinta cu ne. Esey tambe mester percura cu e no remplasa e parti di habilidad cu un alumno mester eherce.

 

E conocemento di un materia ta suma importante pa un alumno, pasobra e conocemento t’e tools p’e por tin mihor compredimento di e materia, Eddy Ras a sigui splica.

E origen cu computer ta un “hulpmiddel” den enseñansa ta, cu awendia smartphone ta un bibliotheek.

E competencia di pasado tabata: Ken tin mas informacion di un materia por a produci mas. Actualmente informacion ta mas facil pa yega na dje, pa medio di youtube, google, etc.

 

Un persona mester sa di antemano ki informacion e mester di busca, y pone e informacion den pratica. Esey ta haci cu e competencia actual ta: Busca y selecta informacion y ehecute den practica.

Y pe motibo mester prepara e alumnonan pa enseñansa avansa y sector laboral pa nan por sigui competi den nan carera profesional, ta conclusion di Eddy Ras.

Top