Embahador di Groenland cu bishita di cortesia pa Aruba Tourism Authority

Manera ya ta conoci, siman pasa tabatin e conferencia fructifero di EU-OCT, unda diferente pais a participa. Entre nan tabatin presente embahador di Groenland den Union Europeo, sr. Mininnguaq Kleist, cu a haci un bishita di cortesia na Aruba Tourism Authority.

 

Groenland su GDP ta depende di industria di pesca y actualmente nan ta amplia nan economia pa atrae turismo. Pa tal motibo e bishita di cortesia pa intercambia idea pa cu desaroyo den turismo.

 

Riba potret por mira sr. Mininnguaq Kleist embahador di Groenland den Union Europeo, sra. Ronella Tjin Asjoe-Croes CEO di Aruba Tourism Authority y sr. Cedrick Tilma, representante di Aruba den Union Europeo cu e buki Mi pret’i wowo ofreci dor di ATA.

Top