Empleadonan di A.A.A. N.V. masha contento cu nan “Sindicato di Trahador di Aruba”

Logronan cu sindicato “STA” a logra p’e empleadonan di AAA N.V. ta wordo hopi aprecia pa mayoria di e empleadonan di dicho compania y no por ta otro.
Asina a logra extra dia di sosiego. Locual cu e sindicato anterior a elimina a tuma STA hopi lucha pa logra haya esaki bek p’e empleadonan cu ta traha warda, esta 11 dia extra di sosiego pa tur esnan cu ta traha warda.
E 11 dia nan aki ta pone cu e empleadonan por disfruta di mas sosiego pa aña.

Dianan di Vakantie riba dianan di Fiesta
AAA N.V. tabata kita dianan di “Vakantie” ora un empleado pidi vakantie riba dia di fiesta. STA mester a bay Corte pa cu easki y a gana e caso. Mester a debolbe e empleadonan, cu forza retroactivo, e dianan di Vakantie cu a ser kita for di nan.

“Aanmoedigingspremie”
Esaki ta un prima cu STA a cuminsa cune na AWG 600,= cu ta wordo paga e di dos siman di januari di tur aña. STA den transcurso di e ultimo añanan a logra aumenta esaki te na 1.750 florin locual ta nifica un aumento di 1.150 florin

Compensacion pa personal di warda
Tambe a conoce un aumento barbaro di 180 florin pa 3 warda y awor e ta 500 florin pa 3 warda y 2 warda di 120 florin pa 350 florin. Tambe compensacion pa disponibilidad a aumenta di 368 florin pa 425 florin y compensacion pa warda di reserve a subi di 45 florin pa 75 florin.

Gratificacion di Pasco
Esaki tur aña ta conoce aumento. Aparte cu tur empleado ta haya 1 luna di salario como gratificacion di Pasco, tur aña e ta subi como resultado di e aumento general di tur aña.

Gratificacion di Hubileo
5 Aña di servicio a conoce un aumento di 500 florin (di 1000 florin pa 1500 florin)
10 aña di servicio a conoce un aumento di 500 florin (di 1500 florin pa 2000 florin)
15-20-25 y 30 aña a conoce un aumento di 1000 florin cada uno.
15 aña, 1 luna di salario “plus” 1000 florin: 20 aña, 1½ luna di salario “plus” 1000 florin;
25 aña, 2 luna di salario “plus” 1000 florin: 30 aña, 2½ luna di salario “plus” 1000 florin.
Sindicato STA a añadi 35 aña di servicio di cual e empleado ta ricibi 3 luna di salario mas 1000 florin como gratificacion di hubileo y pa 40 aña di servicio ta 4 luna di salario mas 1000 florin. E di dos ultimonan aki no tabata existi y STA a percura p’esaki a keda introduci.

Compensacion pa Vakantie
Tambe ta conoce aumento tur aña a consecuencia di e aumento general di tur aña.
Esaki ta un (1) luna di salario.

Compensacion Prestacion di Empresa (B.P.A.)
Esaki ta un prima cu STA a bin cune na aña 2012 cual ta 750 florin basa riba ganashi di e compania. Esaki ta na vigor ainda.

Aumento General
2016: Awg 100 + (Awg ± 60= groeistap) Awg 160,=: 2017: Awg 65 + 1½% indexering Awg 132,50.
Aki tur hende por mira cu si bo no a ricibi un “groeistap” cual ta un compensacion extra cu bo lo haya si bo a traha bon lo ta sin “groeistap” Awg 1232,= y cu e “groeistap” Awg 1712,= desde aῆa 2009 te cu 2017.
Esaki ta desde cu e bestuur nobo bao di liderazgo di sr. Diego de Cuba, actual Presidente a tuma over.E aumentonan aki ta aparte di tur e benificionan cu tambe a conoce aumento barbaro.

Aumento di Compensacion pa Yiu
STA a haya esaki na Awg 55,= pa cada yiu y a sa di aumenta esaki te na Awg 125 pa cada yiu pa luna.

Gratificacion den caso di 0% ausencia debi na malesa
Esaki tambe a conoce un aumento substancial durante transcurso di e aῆanan aki.

Seguro di accidente di trabao
Tambe a conoce aumento di 60 mil pa 65 mil y di 120 mil pa 130 mil florin.

Areglo den caso di fayecimento
Un areglo cu STA ta spera cu no mester wordo haci uzo di dje, pero pa proteha
e empleado y su famia a aumenta esaki cu 5000 florin.

Facilidadnan pa Estudio
Esaki ta algo cu hopi hende no ta haci uzo di dje, pero cu STA semper a kere
den dje.

Pensioen y Areglo di “Spaar”
P’esnan cu ta den “APFA” e diferencia ta di un “eindloonregeling” pa un “middeloonregeling” NPR 2011 y NPR 2014.
P’esnan den “Guardian” e pensioen ta core te cu aῆa 2018, pa ser exacto 31 di december 2018.
E problematica di pensioen tin su debido atencion di parti di STA y muy pronto lo bay tin presentacion nan di “APFA” y tambe di “GUARDIAN” p’asina ey tur hende por scoge locual ta combini nan, dus esaki mester sosode prome cu juni 2018.

Areglo di Spaar; Esaki ta un areglo di “Spaar” cu STA a bin ta boga pe desde 2009 y porfin ta mira luz di dia. Aki e empleado ta spaar 1% y e compania 1% y ta obligatorio pa tur CAO’er. E plan aki ta bin cu un interes acumulativo di no menos cu 3.6% y lo wordo maneha pa e Banco “CMB”.
Un logro cu e directiva di S.T.A. ta sumamente contento cu ne y mayoria di e empleado di “AAA N.V.” tambe.

Aparte di tur esaki e CAO di AAA N.V. tin tur e ingredientenan pa ta un di e mihornan di Aruba si no t’esun di mihor.
STA ta hopi agradecido p’e sosten cu e ta ricibi di su miembronan y ta haci un apelacion na un y tur pa salvaguardia e CAO aki mirando locual cu a sosode cu un otro compania na nos Aeropuerto mes cu a perde tur tur cos pa motibo di un grupito terco y sin experiencia y awor ta yora malay.
Tur dia tin mas empleado cu ta afiliando n’e sindiacto, pasobra nan ta consciente cu un “CAO” manera esun cu tin awor ta dificil pa haya.
Motibo suficiente pa STA conclui cu mayoria absoluto ta sumamente contento cu e Sindicato STA.

Leave a Reply

Top