Empleadonan di RBC-Bank a walk out ayera mainta

Diabierna mainta, empleadonan di RBC Bank a para trabou pa mustra nan malcontento cu e maneho di e compania relaciona cu e consecuencianan di re-organisacion di e banco.

Den un carta cu FTA a manda pa sr. Ivan Nava, ehecutivo di RBC, e sindicato ta informa

e miembronan na RBC Aruba, no ta contento cu e maneho di e compania relaciona cu e consecuencianan di re-organizacion di e banco.

 

E trahadornan aki ta haya cu tin demasiado presion di trabou riba nan. E informacion ricibi ta cu e workload ta demasiado y ta exigi p’e trahadornan traha mas cu 8 ora tur dia y cu ta traha bou di demasiado presion.

Lamentablemente cu esaki mester a yega asina leu, pero relaciona cu esaki e trahadornan a dicidi di bay den protesta ayera mainta pa mustra compania cu e situacion di trabou n’e momentonan aki ta inaceptabel.

 

Segun FTA, nan ta haya cu apesar di e combersacion teni cu gerencia, e cambionan den e condicionnan di trabou ta wordo haci unilateralmente.

FTA a spera di por reuni cu gerencia riba e puntonan menciona. Alabez nan a informa cu FTA a informa Mediador di Gobierno y nan abogado di e walk-out di ayera mainta.

 

Extraoficialmente nos a compronde cu gerencia di RBC-Bank a invita dirigencia di FTA pa sinta na mesa y un rato despues, esta banda di 11 or, trabao a keda reanuda.

Top