En conexion cu Dia Internacional di Mama Tera ta bay tene actividad di limpiesa riba beachnan na San Nicolas

Diasabra 22 di april 2017 pa 5’or di atardi na Anker Cora na San Nicolas, pariba di KIA ta bay haci beachnan limpi di plastic cu ta acumula den e matanan di costa.

For di Bachelor’s Beach bin na banda di Boca Grandi ta bay piki sushi, pues tin saco di plastic pa recoge desperdicio cu ta bin for di oceano, botter grandi, tapadera di plastic y hopi cup.

Lo tin container grandi pa pone e saconan cu ta yen sushi aden. Ya tur mester bay dump despues.

 

NATIONAL GEOGRAPHIC ta bringa tur loke ta plastic na canto di lama y riunan.

Aruba ta bringa cu plastic, pero no ta bastante. Nos costanan ta sushi. Tur loke bo pensa bo ta haya na costa, botter di awa, cups, straw di plastic. Cups di plastic ta bula tur parti rib’e isla.  Styrofoam cups y container canto di caminda, come y zwaai e for di auto tir’e den cadushi of tuna. Riba beach tin resto di cuminda. Tin cuidadano cu no sa di mantene nan luga higienico. Pero falta hopi hende cu ta carece di e parti ey.

 

Si mayornan no mustra e structura di biba na nan decendientenan, tin un problema. Bisa NO na straw di plastic, no custumbra muchanan pa uza straw. Menos plastic den fiestanan na cas, laga tur hende uza potinan duradero.

Stima Mama Tera, tene limpi y no destrui nos medio ambiente. Ta basta por fabor.

Ta un tristesa profundo pa esnan cu ta stima Aruba y ta mira tur dia di Dios ta destrui loke ta crece y biba riba dj’e.

Top