Encuentro di informacion pa Hóreca

KRALENDIJK – Diahuebs ultimo, Inspeccion di Trabao a tene un anochi di informacion pa companianan di Hóreca. Intencion di e anochi tabata pa informá dunadornan di trabou y empleadonan tocante e proyecto di inspeccion ‘Horeca’.

Banda di un introduccion di parti di Inspeccion di Trabao, expertonan a duna un contribucion encuanto seguridad contra candela y e peso di trabou físico den Hóreca.

 

E proyekto di inspeccion ‘Horeca’ ta ser ehecutá entrante novèmber 2017 na Hulanda Caribense y ta cana te cu 1 di mei 2018.

Inspeccion di Trabao ta vigilá si ta cumpli cu e reglanan tocante trabao. Na promé lugar ta trata di e Ley Seguridad Laboral BES (Arbeidsveiligheidswet BES).

E Ley Seguridad Laboral BES ta stipulá reglanan tocante trahamento sigur y salú. Banda di esey e oranan di trabou y di sosiego tambe ta hunga un papel importante; esakinan ta stipulá den e Ley Laboral 2000 BES.

Inspeccion di Trabao mas aleu ta supervisá Ley Suèldo Mínimo BES, Ley di Trabao di stranheronan BES y Ley di vakantie BES.

E encuentro a tuma lugar na Courtyard Marriot Bonaire. Na final tabatin oportunidad pa sigui còmbersá.

Leave a Reply

Top