Entrada hudicial cu detencion

WILLEMSTAD – Dialuna 8 di mei 2017 alrededor di 6:15 di mainta, e unidad di Crimen Organisa den cooperacion cu Team di Aresto a tene entrada hudicial na dos cas y tres apartamento na Caboverdeweg.

 

E entrada hudicial ta relaciona cu posibel violacion di Ley di Arma di Candela. Na un di e casnan Polis a haya y confisca un rifel automatico di largo distancia caliber 5.56mm x 45cm di alta potencia, mas dos cashi di bala conteniendo 51 bala skerpi.

 

Tambe a confisca un vehiculo blanco y algun articulo cu ta di importancia pa e investigacion. Relaciona cu esaki Polis a detene e homber J.A.G. naci na Corsou di 30 aña di edad, y e dama S.d.J.A. naci na Corsou di 23 aña di edad pa violacion di Ley di Arma di Candela.

 

A presenta e sospechosonan dilanti un Fiscal Auxiliar cu a ordena nan encarcelamento pendiente mas investigacion.

Top