Entrada hudicial cu detencion y confiscamento

 

 

 

 

WILLEMSTAD – Diaranson 15 di februari 2017, alrededor di 6’or di mainta, personal di Division di Crimen Organisa den cooperacion cu Douane, KMAR y Afpak Team, a tene entrada hudicial na dos diferente adres, respectivamente na Mahuma y Kaya L. Maduro.

 

E entradanan hudisial ta den cuadro di un investigacion penal cu ta andando relaciona cu e Ley di Opio. Durante di e investigacion na e adresnan menciona, cu a tuma luga bou di supervision di un Huez Comisario y Ministerio Publico, a haya y confisca e. o. un cantidad di cen (dollar), documentonan relevante, un cantidad di auto, “Jacuzzi”, television “flat screen”, algun telefon y laptops. A detene e homber R.L.C di 40 aña di edad naci na Corsou, pa violacion di e Ley di Opio.

 

A presenta e sospechoso dilanti un Fiscal Auxiliar cu a ordena su encarcelamento pendiente di mas investigacion.

Top