Entrada Hudicial cu detencion

WILLEMSTAD – Despues di un investigacion profundo cu a culminá diabièrnè 10 di maart 2017, for di oranan di mainta te atardi, Division di Crímen Organisá di Cuerpo Policial Còrsou hunto e team di aresto a tene 3 (tres) entrada hudicial den bario di Klein St. Michiel (1 cas) Jandoret (2 cas).

E entradanan hudicial aki ta relacioná cu un investigacion pa violacion di e ley di opio y arma.

Durante di investigacion den e cas situá na Klein St. Michiel a haña y confiscá: 1.954 gram di marihuana; 1 (un) shòtgun cu un cantidad grandi di bala skèrpi; 1 (un) arma di candela potente (modelo AK) cu bala skèrpi.

 

N’e cas a detené 1 (un) hòmber sospechoso: S.L.V. nacé na Còrsou, 42 aña di edad.

Na un di e casnan na Jandoret a haña y confiscá: 26 (bintiseis) kilo di cocaine; 1 (un) pistol cu cantidad di bala skèrpi; Bastante placa cash.

 

N’e cas aki a detené 2 (dos) hòmber y un muher sospechoso: V.S.J. nace na Còrsou, 41 aña di edad (hòmber); F.G.M. nace na Còrsou, 26 aña di edad (hòmber) y M.M.O.V. nace na Colombia, 48 aña di edad (muher).

 

Continuando cu e investigacion e unidadnan a bay na un otro cas den e bario di Jandoret y a tene un entrada hudicial. N’e cas aki sinembargo no a haña nada particular.

A presentá e sospechosonan dilanti un Fiscal auxiliar kende a ordená nan encarcelamento pa mas investigacion.

 

Top