Entrada hudicial cu tres detencion

WILLEMSTAD – Diabierna 24 di maart 2017, alrededor di 5’or di marduga personal di recherche y Team di Aresto, a tene entrada hudicial den un cas den area di Fuik.

E entrada hudicial tabata en conexion cu buskeda di un sospechoso.

 

Durante di investigacion den e cas ariba menciona Polis a haya y confisca:

Diferente saco grandi cu ta contene marihuana; Algun saco chikito cu ta contene cocaine; y placa cash.

 

A detene dos hende homber y un hende muher: R.R.S. di 35 aña di edad; Sh.I.H. di 25 aña di edad y e hende muhe O.D.A. di 28 aña di edad. Tur naci na Corsou, como sospechoso pa violacion di e Ley di Opio.

 

A presenta e sospechosonan dilanti di un fiscal auxiliar cu a ordena encarcelamento di R.R.S. y O.D.A. pa mas investigacion. Sh.I.H. por a bay cas despues di interogacion.

E investigacion den e caso aki ta continua.

Top