Entrante awe Containerscan di Aduana ta operacional atrobe

Departamento di Aduana ta continuamento inovando p’asina mehora servicionan na su clientenan. P’e motibo aki entrante awe 1 di februari Departamento di Aduana lo scan un parti di e containernan na haf di Barcadera.

E containernan cu lo pasa e control via di e containerscan lo wordo selecta dor di Departamento di Aduana.

 

Den caso cu e containerscanner encontra niun iregularidad, e cliente lo por bay cu su container n’e destino p’e wordo descarga sin tin necesidad di un control fisico. Esaki ta nifica cu e proceso pa saca container lo cana hopi mas liher p’e clientenan y comercio.

Demas actividadnan riba haf lo no wordo stroba dor di e proceso di scan containers.

 

Clientenan lo wordo notifica na tempo na momento cu Aduana selecta nan container pa pasa dor di e containerscan.

Departamento di Aduana ta pidi tur cliente y en especial truckdrivers/haulers pa coopera cu e proceso di containerscan cu lo inicia awe dia 1 di februari.

Top