Eric R. de Vries y Chris de Bres di HBN Law entre e mihor abogadonan di Caribe Hulandes segun Chambers & Partners

WILLEMSTAD – HBN Law a ser mencioná como un di e mihor bufetenan di abogado di Caribe Hulandes den e publicacion Chambers Global 2017, di Chambers & Partners, cu na mes momento tambe a considerá dos abogado di e mesun bufete akí, Eric R. de Vries y Chris de Bres, entre e mihór abogadonan di Caribe Hulandes.

 

Chambers & Partners ta un organisacion internacional cu ya pa 17 aña caba ta identificá y clasificá e mihor bufete- y abogadonan den mas cu 180 hurisdiccion na mundo.

Chambers & Partners a describí HBN Law como: “Un di e bufetenan mas grandi y mihor establecí den Caribe Hulandes.

Algo cu su clientenan ta apreciá mashá t’e profundidad di su experticio. Su bon reputacion ta principalmente den e area di resolucion di disputa.

 

E bufete akí a yega di trata vários caso grandi di arbitrahe ‘transfronteriso’ (cu partido den mas cu un teritorio) y di litigio ‘high-profile.’ E ta activo riba tereno di transaccion, y real estate yi telecom tambe ta entre su areanan fuerte.”

Ademas, tocante e dos abogadonan top di e bufete, e organisacion tabatin lo siguiente di bisa:

“Eric R. de Vries ta un luchador di peso pisá den e area di litigio, kende tin un excelente reputacion serca nos fuentenan.

Su clientenan ta balorá principalmente su creatividad y flexibilidad, y un di nan a describí Eric como ‘un hende cu sa masha bon mes con pensa ‘out of the box’ y bin cu solucion relativamente simpel pa problema cu na promé bista por parce bastante complicá.’

Ademas e ta activo riba tereno di financiamentu y M&A, y su coleganan di abogacia ta elogi’é p’e asercamento ‘business-minded’ cu e ta usa den su trabou.”

 

“Chris de Bres, kende ta traha for di Bonaire, ta ser recomendá pa su trabou den e area di litigio. Entre su clientenan tin diferente banco internacional y compania di sector di energia y di telecom. Nos fuentenan ta elogi’é p’e atencion cu e tin pa detaye.

Un di su clientenan a bisa: ‘E por a splica e aspectonan técnico di nos caso masha bon. E ta un gay hopi bibo y tabata hopi bon prepará pa nos audiencia den Corte.’”

 

Ya ta di 7 aña cu Chambers & Partners ta mencioná Eric R. de Vries entre e mihor abogadonan di Caribe Hulandes, y pa Chris de Bres esaki ta su di dos aña.

 

 

Top