Eumir Wever a gradua como ingeniero den salubridad y tecnologia na Hulanda

Cu hopi orguyo y felicidad nos kier a anuncia cu ing. Eumir B.A. Wever a gradua pa su Bachelor in Science januari ultimo na Hogeschool Rotterdam. Despues di a traha hopi duro y haci hopi sacrificio, porfin e momento a yega pa celebra.

 

Den e friu di winter, pero bendiciona cu solo cu a sali briya rib’e dia special aki, Eumir a firma su diploma cu un curason yena cu emocion y un mente trankil, rondona di su mayornan Boyce Wever y Iris Wever-Ras, su partner Crystal Koolman y su docentenan di scol.

 

Eumir a haya su Bachelor’s degree di e estudio di “Gezondheidszorg Technologie” y awor tin e honor di obtene e titulo di ingeniero (ing.) dilanti su nomber.

Palabranan di felicitacion ta bay pa e graduado y henter su famia y conocinan cu e logro grandi y bunita aki. Henter famia y conocirnan ta desea Eumir Wever hopi exito y tur cos bon pa futuro.

Top