Evelyn Wever-Croes su mensahe: Goza e ultimo dianan di Carnaval sanamente

Carnaval t’e fiesta mas grandi di nos pueblo di Aruba, cu e fin di siman aki ta yega na su punto culminante.

Pa medio di esaki lider di MEP, Evelyn Wever Croes kier desea un y tur un felis Carnaval.

Goza Carnaval, pero no dimas.

Percura pa tur hende celebra y gosa pareu, y e goso por cambia hopi facil den dolor na momento cu tin di mas alcohol y agresion den wega.

Evita pa yega asina leu, p’asina abo y nos tur por gosa di e gran fiesta.

Cuida abo y bo sernan keri di e rayonan dañino di solo, cu ta causa primordial di cancer di cuero, un forma di cancer cu na Aruba ta creciendo manera un epidemia.

Cuida bo oido, y especialmente esun di nos muchanan, pasobra sonido demasiado duro den Carnaval por causa daño permanente na bo oido.

Bo oido ta comunicabo cu resto di mundo, cuid’e pasobra e mester bay cu bo henter bo bida. Felis Carnaval!

 

 

Top