Ex Station Manager di Insel Air deteni pa Polis na St. Maarten

PHILIPSBURG — Polis a detene ayera mainta na su cas na Mount Williams, e ex Station Manager di Insel Air na St. Maarten. Ta trata aki di Alanso Hassel, kende a keda deteni pa mas o menos 7 or di mainta na su cas.

 

Alanso Hassel tabata wordo busca den coneccion cu actonan fraudulento cu fondonan di Insel Air. Asina cu e noticia a bira conoci cu husticia ta busca e ex Station Manager, Alanso Hassel, a baha na awa y bay Republica Dominicano.

Sinembargo, el a dicidi di bolbe St. Maarten, unda el a keda deteni.

 

Vocero di Polis Ricardo Henson a confirma dicho detencion. Mas despues e ta dispuesto pa duna mas informacion di e detencion aki.

 

 

Top