Exitoso Caribbean Cup di hisamento di peso

Diasabra ultimo dia 13 di mei, Aruba Amateur Weightlifting Assocation (AAWA) a tene nan competencia nombra Caribbean Cup. E competencia a hanja su nomber como un evento Internacional, danki na e delegacion di Curacao cu a participa.

E competencia aki a conta cu un total di 28 representando e diferente gymnan cu ta practica e deporte di Weightlifting Olympico cu ta Muscles & Lungs Crossfit, Crossfit A297, Theo Bareño Gym y atletanan di Curacao.

E competencia a conoce cu atletanan den tur categoria di edad, den categoria di youth te cu 12 aña te cu masters cu ta atletanan riba 40 aña. Durante e evento aki nos por a mira varios di atleta di Aruba y di Curacao cu ta participa y tambe por mira con e deporta a crece den e ultimo añanan.

 

Den e categoria di femenino, e overall winner den categoria di youth a bira Nicole Dijkhoff cu un sinclair di 153.47. tambe ta logra kibra 6 record nacional. Un atleta cu talento y un potencial hopi grandi y disciplina, e atleta aki ta train duro pa logra exito.

Den categoria Junior, Natalie Geerman ta sali ganador absoluto cu un sinclair di 178.00. e ta logra di kibra 3 record nacional. Den e categoria senior, nos atleta cu a competi den Campionato Mundial na 2015, Jennifer Piter a logra un biaha mas y a mustra su gran forsa ta sali como ganador absoluto cu un sinclair di 215.93 den su categoria.

Den categoria di damas masters, nos tin Karah Bunde, e ganador di Crossfit Open 2017 di Aruba, a logra sali ganador absoluto cu un sinclair di 150.61 den su categoria di 40 plus.

 

Den categoria di masculino, e overall winner den e categoria di youth a bira Myron Speyer cu un sinclair di 221.48. E atleta aki cu a mustra un gran adelante desde e try out cu a wordo teni na maart. Den e categoria di junior, Zymion Loopstok ta sali como ganador absoluto cu un sinclair di 216.63. Zymion cu a bolbe bek di un lesion chikito y ta determina pa mehora pa e siguiente competencia.

Den e categoria di senior, James Polanco a sa di vence Joel Kuiperi pa un margen hopi chikito p’asina sali ganador absoluto cu un sinclair di 323.77 y Joel Kuiperi secondo lugar cu un sinclair di 323.24.

E bataya entre e dos gran atletanan aki a trece hopi animo den e competencia.

Por ultimo den categoria di Masters, Lionel Harms ta sali ganador cu un sinclair di 244.58 y a mustra cu su dedicacion, training y determinacion a yuda mehora su total di e ultimo campeonato nacional di november 2016.

 

Den e Caribbean Cup total 15 record nacional a wordo kibra, tur den man di e damanan young cu ta sobresali den e deporte. Fuera di Nicole Dijhkoff cu a kibra 6 record (3 den 2 diferente categoria), Deandra Arends a logra kibra 3 record den categoria di 48kg cu tabata riba su propio nomber, Talisah Beke a kibra 3 record den categoria 75kg y Natalie Geerman a kibra 3 record den e categoria di 63kg den junior. E crecemento den e participation di damas ta un desaroyo cu Aruba Amateur Weightlifting Association ta sumamente feliz di esaki y nos ta spera un mayor cantidad di atleta pa participa den nos futuro eventonan, den tur categoria y di tur edad.

 

Aruba Amateur Weightlifting Association kier a manda palabra di danki na tur nos sponsornan, cu a haci tur esaki posible, especialmente High Performance, Do It Center, Total Cleaning Services, SAMS Store, Fantastic Gardens, Manrique Capriles, Casa Haime, Domino’s Pizza, MAC4U, Sport Subsidie Commissie y Lotto pa Deporte.

Tambe ta manda un pabien na tur e atletanan cu a participa y sin lubida ta gradici tur e boluntarionan cu a sacrifica hopi di nan tempo y energia pa logra haci e evento aki un exito.

 

Resultadonan

Name Category Gender Country Age group Snatch Clean&Jerk Total Placings

Category

Deandra Arends 48kg Female Aruba Junior 30 R 40 R 70 R 2nd
Jesurine Croes 48kg Female Aruba Senior 31 42 73 1st
Karah Bunde 63kg Female Aruba Masters 51 61 112 3rd
Nicole Dijkhoff 63kg Female Aruba Youth 51 R 64 R 115 R 2nd
Natalie Geerman 63kg Female Aruba Junior 55 R 75 R 130 R 1st
Marcela Benavides 69kg Female Aruba Senior 47 67 114 2nd
Jenifer Piter 69kg Female Aruba Senior 70 93 163 1st
Talisah Beke 75kg Female Aruba Junior 41 R 49 R 90 R 2nd
Isabel Croes 75kg Female Aruba Junior 50 65 115 1st
Rayson Cadeau 56kg Male Curacao Youth 35 43 78 2nd
Gedrion Cadeau 56kg Male Curacao Youth 45 62 107 1st
Raydan Cadeau 56kg Male Curacao Junior 52 65 117 1st
Jeremy Dijkhoff 62kg Male Aruba Youth 40 56 96 1st
Kenrick Tromp 69kg Male Aruba Junior 52 80 132 3rd
Zymion Loopstok 69kg Male Aruba Junior 67 85 152 2nd
Yunes Guzman 69kg Male Aruba Senior 80 100 180 1st
Myron Speyer 77kg Male Aruba Junior 71 95 166 1st
JP Van Der Lak 77kg Male Aruba Senior 91 91 2nd
Jan Dayleg 85kg Male Curacao Senior 113 137 250 2nd
James Polanco 85kg Male Aruba Senior 115 150 265 1st
Teshawn Eleonora 94kg Male Curacao Youth 45 55 100 4rd
Laertes Araque 94kg Male Aruba Youth 45 60 105 3rd
Americo Thijzen 94kg Male Aruba Senior 82 110 192 2nd
Lionel Harms 94kg Male Aruba Masters 90 124 214 1st
Joel Kuiperi 105kg Male Aruba Senior 135 160 295 1st
Top