Exitoso curso di Asistente Administrativo

Recientemente, 13 cursista di sector priva y sector publico a finalisa e Curso Assistente Administrativo, cual a wordo organisa pa B & P Interface Aruba Training.
Durante e curso aki e participante nan a siña den un forma hopi practico con pa mantene un oficina bou di control, sin importa con dificil e dia ta.

Adicionalmente nan lo discubri con ta construi credibilidad, bisa “no” sin mester cera e porta, con pa aplica cierto tecnicanan con pa scucha miho, tambe con pa trata cu hende exigente y con pa atende situacionnan negativo, con ta atende voicemail memo’s, emails y mucho mas.

 

E programa Asistente Administrativo ta un curso ideal pa tur hende cu kier mehora nan abilidad nan como un asistente administrativo.

E curso a wordo presenta pa Celine da Costa, facilitadora certifica y secretaria juridico den servicio di B & P Interface Aruba.

 

Esnan cu a finalisa e curso cu exito ta: Roxainne Clement, Magaly Raphaëla, Sabelita Danjo, Yvette Henriquez, Egbertina Baarh, Franky Moore, Oriana A.R. Marin y George P.J. Lejuez. Depues di e examen tur hunto a celebra nan exito. Un palabra di felicitacion ta bay na tur.

Top