Expancion di VanEps Kunneman VanDoorne na Corsou y Sint Maarten

VanEps Kunneman VanDoorne e aña aki ta existi 80 aña y a drenta e aña di hubileo cu dos empleado nobo: Abogado di sosten profesional Mariette Hazejager-Steeg a reforsa e establecimento na Sint Maarten y na Corsou abogado-stagiaire Renata Nieuw a cuminsa traha.

 

Prome cu el a muda pa Sint Maarten na 2016, Mariette tabata notario-candidato na Houthoff Buruma na Amsterdam pa diesun aña. Na VanEps Kunneman VanDoorne lo e reforsa e team di abogado den p. e. e desaroyo di know-how, pero tambe cu conseho den casonan complica. Mariette ta particularmente specialisa den transaccionnan comercial di propiedad inmobil, pero e tin experiencia tambe den transaccionnan di compania y financiamento.

 

Renata Nieuw a huramenta riba 4 di april ultimo pa Corte Comun di Corsou, Aruba y Sint Maarten y di Boneiro, Sint Eustatius y Saba, y e ta e adkisicion di mas nobo pa e team di Corsou di VanEps Kunneman Vandoorne.

Renata a nace y crese na Corsou y a gradua den derecho priva y derecho di trabou na Universidad di Tilburg y despues a bolbe bek na su isla natal pa cuminsa traha na nos oficina como abogado-stagiaire.

 

Di su huramentacion Renata a comenta: “Tabata un momento special y un evento memorabel cu mi a ilusiona hopi tempo caba. E huramentacion tabata asina impresionante y lo mi keda cord’e pa semper. Mi ta contento cu awor oficialmente mi por traha como abogado y pleita den Corte.”

 

E dia despues di su huramentacion pa prome biaha Renata a asisti un cliente den sala di Corte y esaki tabata hopi na su agrado.

“Ta mi ambicion pa desaroya mi mes e añanan binidero y bira un bon abogado di proceso y sigui specialisa den ley di trabou”, Renata a expresa na final.

Top