Expresion haci pa Secretario di Estado Hulandes, Sharon Dijksma Por tin consecuencia cu Aruba por wordo downgraded for di categoria 1 pa 2 Straño cu Minister Mike de Meza ta guli manda abao tur esaki, segun Otmar Oduber

 

E siman aki Secretario di Estado di Infrastructura y Medio Ambiente Hulandes, Sharon Dijksma a duna algun expresion riba Departamento di Aviacion Civil cu a pone cu ex Minister di Transporte, Otmar Oduber no ta comparti e opinion aki y no ta kere cu esaki t’e forma di traha cu otro.
Segun Otmar Oduber, Secretario di Estado, Dijskma a splica cu tin un protocol firma, pa duna e autoridad na ambtenaarnan di Hulanda pa bin mete aki na Aruba den loke ta trata Aruba su Directie Luchtvaart. Esaki ta tuma lugar cu bendicion di Minister di Transporte actual, sr. Mike de Meza y esun di Corsou, sra. Suzy Römer.

Ta conoci pa hopi aña caba, ora algo bay robes aki banda, y den e caso aki, por ehempel na Corsou cu si tabata hopi expresivo, cu a wordo baha di categoria na 2.
E Secretario di Estado a mustra riba e hecho cu Corsou si tin hopi fayo den e reportage cu Otmar Oduber por a wak.
En cambio, sra. Dijksma a elogia Aruba riba e parti di inspectie cu ta tuma lugar cu tin hende cu ta capaz, cu tin expertonan na Aruba.
Otmar Oduber ta splica cu ultimo añanan a pone hopi atencion tras di esaki e ultimo añanan.
Y no ta pornada, segun Oduber cu e avionnan di InselAir a wordo geground, y nan no a wordo geground, pasobra cu Inspectornan di Hulanda a pidi p’esey.

Aruba su Inspectornan ta sumamente capacita aki na Aruba y Otmar Oduber ta lamenta expresionnan asina, y no ta scucha Gobierno bisa si ta bay permiti enberdad, e metemento aki.
Ta di suma importancia y te hasta preocupante e hecho cu Aruba ta biba di turismo. Y na momento cu un mensahe sali cu ta bay duna Hulanda autoridad pa regla cosnan cu no ta bon den safety di aviacion, esey por tin como consecuencia cu Merca, un FAA ta bin di biaha y ta bolbe haci un audit pa wak si tin algo robes, y cual por conduci na Aruba perde su categoria 1.
Otmar Oduber ta sigui bisa cu e Secretario di Estado ta den campaña na Hulanda y ta uza e situacion aki di InselAir como cabay di campaña.

E situacion aki lo por costa Aruba su categoria 1 na cierto momento, cu ta algo cu ta inaceptabel. Ex Minister Otmar Oduber ta kere cu Gobierno mester a coregi e situacionnan aki, y para p’e autoridad cu tin na Aruba, cu a wordo elogia dor di Europese Comissie di aviacion, un par di aña pasa ora tabatin disputa riba Comelooks, unda ta registra avionnan y e mesun Inspectie ta haci e inspeccionnan aki.
E mesun Europese Luchtvaart Comissie mes a elogia Aruba su capacidad, su profesionalismo y e forma con na Aruba e avionnan ta wordo inspecciona te den top.

Contrario di loke Secretario di Estado di Infrastructura y Medio Ambiente Hulandes, Sharon Dijksma a bisa na Merca mes y Hulanda su departamentonan a reconoce Aruba su capacidad den pasado segun Otmar Oduber .
Tanto FAA y ICAO ta audit Aruba y ta mantene Aruba su categoria 1. Loke si Oduber ta haya straño cu no ta reacciona, pasobra cu esaki, uno,
Otmar Oduber no ta kere cu mester haci algo exactamente manera na Hulanda, pasobra e situacion na Aruba ta completamente otro manera na Hulanda,

Y exigencianan ta suficientemente halto, cu por garantisa seguridad. Y den expresionnan por scucha cu “no ta wordo haci manera Hulanda”.
Certificacion cu Aruba a haya, tin di nan cu Hulanda no a pasa, p’asina ripara con bon inspeccion ta na Aruba.
Coopera cu Hulanda, caminda ta intercambia experticio ta un cos, pero pa bin bisa cu ta bin interveni, cu ta bay drenta y ta bay yega na un protocol p’e Gobierno firma pa duna autoridad legal na Inspectornan Hulandes, pa bin haci y deshaci den nos Inspectie na Aruba. Esaki segun Otmar Oduber ta un señal hopi robes cu Hulanda ta mandando pa Aruba.

Den cuadro di cooperacion cu ta bisa, y Oduber cu esey tabata e meta cu Inspectornan di Hulanda hunto cu esnan di Aruba a haci un assesment riba e problema di InselAir. Y cu loke e fayonan cu nan a haya aparentemente ta fayonan cu par di luna pasa tabatin audit riba nan y tabata totalmente na su lugar.
Esakinan ta cosnan cu por pasa. Por haci un audit awe y mañan algo por pasa cu por conduci cu ta ground un avion of paralisa e operacion di un aerolinea.

Un biaha mas, Otmar Oduber ta enfatisa cu no tin problema den cooperacion. Gobierno por permiti esaki ya cu den pasado ta hopi expertonan di Hulanda a bin Aruba pa haci tipo di sondeonan asina aki, hunto cu expertonan local.
Pero nunca no por tin expresionnan cu ta keda habri, unda cu a haya falta di e Minister sinta banda di e Secretario di Estado, ya cu esey t’e posicion cu mester tuma como Gobierno di Aruba. Pero no por permiti Hulanda interveni den e asunto aki, ya cu e no ta trata di un asunto di Reino.
Loke si no por haci ta drecha pa sigui duna e mihor servicio den mundo di aviacion pa cual aki

Otmar Oduber a splica cu na lugar di critica, ban traha hunto. Aruba ta hopi bon den su inspeccion, e ta wordo gaba tur rond mundo. Hasta na Hulanda y Europa pa loke ta registracion di avion ta algo tumando lugar pa mas di 20 aña caba na Aruba.
Pero expresionnan haci por tin como consecuencia cu hendenan ta bin Aruba, cu por conduci na downgrade su categoria, pasobra cu Hulanda lo ta bisando cu tin cosnan cu no ta bon na Aruba.

Por ultimo, Otmar Oduber a splica cu si bo bisa A, bo tin cu bisa B tambe. Si ta bisa cu tin algo cu no ta bon, mester bisa tambe kico no ta bon pa tin un trankilidad den comunidad di Aruba, cu nos inspeccion ta haciendo su trabao den loke ta trata safety den e mundo di aviacion.

Top