Falta di financiamento y mantenimento pober a pone cu varios pasahero mester a keda atras

PHILIPSBURG — Dos piloto di InselAir, diarazon anochi a tuma decision pa motibonan di seguridad pa ground dos avion MD 80, lagando cientos di pasahero sin por bula.

SMN News a compronde for di e pasaheronan cu e pilotonan a tuma e decision aki, pa motibo no tabata safe pa bula cu e avion aki, cu no ta ser manteni debidamente.

 

Di acuerdo cu informacion suministra na SMN News, InselAir no tin pieza den stock y/of otro material pa mantene e avionnan aki, pasobra debi n’e situacion financiero malo di e compania, no por cumpra pieza y pesey ta mihor no bula cu avionnan cu no ta ser manteni debidamente.

SMN News tin entendi cu despues cu e pilotonan a tuma dicho decision, a informa Aviacion Civil di Corsou cu a sostene nan decision.

 

Sinembarco tin masha pregunta pa cu e performance di Aviacion Civil di Corsou, cu tin e autoridad di inspecciona e avionnan aki.
E avion cu a keda grounded diarazon anochi mester a bula pa Surinam. SMN News a compronde tambe cu e decision tuma diarazon anochi p’e pilotonan a afecta cu dos buelo pa St. Maarten y Corsou a keda cancela, cu ta 521 pa Republia  Dominicana y buelo 522 pa Corsou.

Sinembargo a dicidi di combina dicho buelonan y a opera esaki bao di HI -531 cu tur e pasaheronan pa Republica Dominicano y pa Corsou abordo.

Top