Famia ta bira victima di atraco na Hooiberg

Diadomingo alrededor di 11’or di anochi, a bati alarma pa un caso di atraco arma cu a tuma luga na un adres den Hooiberg, situa pabou di Dennis Bar.

 

E habitantenan mes a bandona e sitio despues cu nan a bira victima di atraco na man di dos persona di habla Spaño. Polis a topa cu un amigo di e famia n’e sitio, kende ta conta cu e famia a sali na coremento despues cu nan a wordo atraca den nan cas.

 

E atracadornan indiscutiblemente ta parti di e mesun grupo cu ta invadiendo casnan di famia y hortando e. o. placa y pertenencianan di balor. Esaki ta bira un di varios caso di atraco na cas cu tin ciudadanonan puntrando cuanto mas nan tin cu wanta.

Top