Familiar perdi a hoga na costa nort di Aruba

Awemainta pa atardi Guarda Costa a yuda saca un curpa di un señora for di e lama bruto na costa nort di Aruba. Tabata trata aki di Mareline Vrolijk naci na Merca dia 5 di September, 1959.

E hecho aki a yega na atencion di Polis despues di 10.30 I mainta ora cu personanan a yama bisa cu nan ta mira un curpa ta drief.

Polisnan cu a bay na e sitio a constata cu e curpa tabata drief na un distancia dim as o menos 25 meter for di costa, pero cu tabata dificil pa nan yega na dje.

Mientrastanto un grupo di persona a cuminsa yega na e sitio, kendenan a resulta di ta aparentemente familiar di e dama cu a hoga, accidentalmente of intencionalmente no ta conoci.

Mirando e situacion, Polis a pidi cooperacion di Boto di Polis BP 2 pa bay direccion di Bushiribana pa saca e curpa. A haci esaki huntol cu e boto di Guarda Costa.

Familiarnan a core yega na e sitio pasobra un miembro di nan famia a Sali for di 6’or di mainta for di cas, sin nada cune, ni su cellular. Segun e personanan cu a yega na e sitio, e ta sufri di depression y e ta bou tratamento medico. E tabata un momento hopi duro pa e familiarnan.

E lama tabata hopi bruto, cu hopi coriente, esaki tabata manda e curpa hopi liher direccion pabou. Pa mas o menos 1’or di merdia e boto di polis a yega cerca pero no por a saca e curpa debi na e situacion di e lama hopi bruto. Un boto di Guarda Costa a bay na e sitio y net pariba di Wariruri, un poco mas pafo, e boto di polis,  a logra saca e curpa for di awa y a hibe na Waf di Oranjestad.

Segun un familiar, e dama aki siman pasa a pidi dokter ayudo, paso e no tabata por mas cu e depresion y dolor di cabez cu e ta sufri di dje. El a pidinan pa un afspraak mas lihe cu ta posibel cu un specialista,  pero e afspraak mas cerca cu e lo por a haya tabata te dia 22 di november, pero lamentablemente e malesa aki a caba cune prome cu e por a wordo atendi.

E ta laga atras su esposo y yiunan. AWEMainta ta manda palabra di condolencia na henter famia.

Leave a Reply

Top