FEBIAR lo inicia e temporada di biyar cu un campeonato nacional di Bola 8

Un deporte cu a bira masha popular desde algun aña caba na Aruba ta biyar. Cada aña e federacion FEBIAR ta organisa un circuito grandi unda e atletanan di biyar por participa na diferente torneo local mientras nan ta traha cu e sistema di ranking.

 

Mester bisa cu prome e deporte tabata uno popular bou di e ser masculino pero awor tin varios atleta femenino tambe a cuminsa practica e deporte di biyar. E aña aki un bes mas tin varios ekipo a inscirbi pa e prome torneo di aña cual ta un campeonato nacional Bola 8.

Diabierna ultimo e torneo organisa pa FEBIAR a inicia den POVA Club na Barcadera.

 

Ta bon pa menciona cu e calendario 2017 di FEBIAR lo ta uno cu varios torneo local pero tambe internacional. Lo tin competencianan manera e nacional 9 ball, 10 ball y 8 ball, nacional 8&9, ranking nacional Aruba Pool Tour A, ranking nacional Aruba Pool Tour B.

Pa di dos aña e localidad pa e campeonato di biyar lo ta club di Polis conoci tambe como POVA Club na Barcadera.

 

Un danki sigur na Lotto, e Loteria di Aruba pa medio di Comision di Subsidio cu ta subsidia e campeonato di biyar 2017 organisa pa federacion di biyar esta FEBIAR.

Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

Top