FEBIAR ta ranca sali e weekend aki cu su prome torneo grandi di aña cu ta Campeonato Nacional Bola 8

Weganan lo start pa diabierna 6 di april pa 6’or y mey di atardi, sigui diasabra pa 1’or y mey di atardi. Dress code pa Nacional: Polo of camisa, keds of zapato (mester ta cera) jeans of carson.

Pa 2017 pa por clasifica y hunga den exterior mester hunga 3 Nacional y 3 Qualify y total punto di tur 6 lo saca e 3 hungadornan cu lo representa Aruba den exterior cu ta ticket di avion paga, inscripcion paga y estadia paga.

Lo tuma un maximo di 32 hungador e aña aki. Inscripcion lo ta solamente riba diaranson 5 di april, despues di 6’or y mey. Diahuebs 6 di april lo tira loting asina e prome 8 hungadornan lo haya sa ki ora nan ta hunga diabierna pa 6’or y mey.

Un danki grandi p’e aña aki ta bay na prome luga pa Lotto di Aruba, Pizza Hut y Pova Club, tambe na tur hungador cu a yuda p’asina POVA Club por a keda cla na tempo.

FEBIAR ta invita tur hende pa bin presencia e maximo di Aruba su biljard e weekend aki den POVA Club.

Top