Federacion di Volleyball a start sali cu nan campeonato 2017

Recientemente Federacion di Volleyball, (Aruba Volleyball Association), a inicia cu nan campeonato di volleyball 2017 den e categorianan masculino y femenino.

Tur aña AVA ta promove volleyball bou di nos hoben y adolescentenan cu kier sigui desaroya nan mes den e deporte aki.

E federacion ta trahando duro pa engrandese e deporte y nivel di nos hungadornan. P’e motibo aki tambe AVA a introduci un entrenador profesional di Hulanda cu a bin yuda cu e preparacion di nos seleccionnan nacional como tambe contribui cu su experticio n’e deporte den su totalidad.

 

Aña pasa varios di nos seleccionnan nacional a competi den torneonan internacional y a gana e experiencia nececario. N’e campeonato 2017 di AVA a start varios ekipo masculino y femenino, cu ta un bon señal cu e vision cu e federacion kier logra.

E aporte financiero di Lotto, e loteria di Aruba via Comision di Subsidio n’e Federacion di Volleyball ta pa organisa nan campeonato sin ningun obstaculo.

Ambos instituto ta kere fielmente den promove cualkier deporte cu lo yuda na haya mas hoben pa bira un atleta y volleyball sigur lo gosa di e sosten aki.

Top