Fiesta di inauguracion di oficina di Refineria di Aruba (RdA) ta parse di tabata pa invitado so y na pa e pueblo en general

Durante fin di siman a tuma lugar e apertura oficial di e oficina di Refineria di Aruba (RdA).

Segun informacion ricibi, director di RdA, sr. Alvin Koolman, y Minister demisionario Mike de Meza, a hiba palabra pa despues e invitadonan a gosa di un fiesta anima pa grupo di baile y bandanan musical.

Mucho informacion di e anochi aki nos no por duna, como cu nos medio di comunicacion, mescos cu varios otro, no a ricibi invitacion pa e anochi aki.

Locual cu si por remarca ta cu a hasi mencion cu e pueblo di Aruba ta invita pa e fiesta di inauguracion aki, pero realmente e pueblo no por a disfruta di nada como cu e tabata un fiesta pa esnan cu a haya invitacion solamente.

E seccion VIP cu tabata caminda cu a tene e fiesta, unda cu a hasi show di baile, presentacion di bandanan musical y mas, tabata solamente accessible pa esnan cu tabata riba e lista di invitado.

Esnan cu no tabata riba e lista di invitado por a mira e show via di un pantaya grandi cu a keda instala especialmente pa transmita loke tabata pasando riba escenario.

 

E disgusto den pueblo ta bisto, como cu a crea un sentimento di desigualdad cual a hasi cu no tabata tin un ambiente di alegria general pa cu e fiesta di apertura di e oficina di Refineria di Aruba.

 

Top