Final di guera asercando, igualmente e ganador y perdedornan. Pa: Analisis haci pa Gregorio Wolff

E situación na Syria ta keda un tiki frega, pero tur cos ta indica cu e final di e guera ta yegando, después di e derota grandi di e Jihadistanan paga dor di paisnan Arabe, Merca y otro paisnan di  Nato, na Aleppo, fin di 2016.

Esaki teniendo cuenta: Cu e negociacionnan di paz y acuerdo na Ostana y ultimo simannan e  instalación di e 4 zonanan di Seguridad na Syria aproba dor di Russia, Turkia, Iran, Hezbollah y Gobierno di Syria.

 

Esaki cu un aprobación di Secretario General di Nacionnan Uni y di e representante di Nacionnan Uni pa Syria. Ultimamente Merca tambe a duna su aprobación, después di varios NO a bin e SI.

Despues di e derota na Aleppo, nos ta haya e situación cu varios di e Proxynan bringando  contra Gobierno di Syria ta cambiando cada biaha di posición y entrenan mes na varios ocasion, e distinto gruponan di rebelde=Jihadista  ta bringa fuertementre pa caba cu otro.

Tambe e derota grandi di e Jihadistanan paga dor di paisnan Arabe, Merca y otro paisnan di  Nato, na Aleppo, na final di 2016  ta mustrando ya caba kende(nan) a gana e guera  y kendenan t’e gran perdedornan y tambe kendenan durante e guera di mas cu 6 aña a cambia di posición.

 

Bisto ta tambe cu e enemigonan di Syria no kier p’e guera termina. Ehempel t’e ataque ilegal di avionnan di Merca y Inglatera riba trupanan di Syria den Syria e siman pasa. Cu Syria na werki, sigur e pueblo di Syria t’e perdedor mas grandi.

Maniobranan di Trump yen di contradicción y control di Deep State.

Na cuminsamento di aña mi a scirbi cu Gabinete di Trump, e Presidente di Merca ta consisti di rico y militarnan pensioena y derechista, igualito n’e Sheiknan na Medio Oriente.

Tambe cu trahadornan na Merca na mundo no por spera hopi cos positivo y cu e

e proximo añanan e tin un trayecto político difícil na Merca y na mundo completo.

 

Trump a cuminsa como un populista cu su declaracionnan controversial, pero cu un orientación nacionalista, manera el a expresa den su discurso inaugural.

Un discurso tog cu algún bon intención, manera un bon populista, kende kier ta serca di su pueblo, sigur e masa grandi di trahadornan blanco. Sigur ora Trump a bisa cu e kier trece e jobnan bek Merca, dor di trece medidanan di belasting pa yuda e empresanan aki.

Na mesun momento  e kier pone impuesto pisa riba productonan produci afo dor di empresanan Mericano, manera autonan produci afo.

 

Trump, maske cu e ta un multi-miyonario tog e no t’e candidato=persona cu establishment na Merca of e elite na Washington kier pa goberna Merca. E elite di Washington ta consisti di think-tanknan cu ta dirigi política exterior y cualnan tin hopi influencia riba e funcionamento di FBI y CIA, di e lobbynan na Congreso y Senado di Merca, di cualnan esnan mas poderoso na placa y na influencia t’e organización di Huduinan, AIPAC (American Israel Public Affairs Committee) y esun di Saudi Arabia, Saprac (Saudi American Public Relation Affairs Committee).

Ademas S A tin 13 otro firma di lobby na Washington y cual ta demostra e poder di Saudi Arabia den politica Mericano. Tambe conoci t’e lobby di e industria di arma.

Ta ser bisa cu nan ta planea e próximo gueranan pa FBI y CIA ehecuta e trickinan sushi.

Por ultimo, no lubida e mainstream media. Mainstream media t’e cadenanan grandi di television y di corantnan, sigur esnan cu mas ta influencia e publico.

Nan (E elite di Washington of Deep State) kier tin tur loke di bisa den e dirección di e gobernación di Merca.

 

Top