Final pa America & Caribe di e Diplomatico World Tournament realisa na Aruba, Peru, Panama y Chicago a pasa p’e final na Londres

Ron Diplomatico ta anuncia e ganadornan di e Semi-Final Continental pa America & Caribe. Jose Luis Valencia di Peru, Enrique Auvert di Panama y Kevin Beary di Chicago a demostra di t’e mihornan despues di a competi den un grupo di 12 bartender.

E tres finalista lo biaha pa Londres na fin di luna di juni proximo pa competi den e Final Mundial.

Den e proximo rond di e competencia internacional di cocktail, e participantenan ta bay representa Noord America, Centro America & Caribe y Sur America.

 

E competencia na Aruba a tuma lugar algun dia atras na BLT Steak House di Ritz Carlton y na 297 Bar na Palm Beach.

E prome parti di e competencia tabata enfoca riba e creacion di un cocktail cu e rum nobo pa mix di Diplomatico, esta e Mantuano, sigui pa un di dos rond enfoca riba crea e bebida perfecto cu Diplomatico su Reserva Exclusiva, cu ta e marca su version principal.

 

Agencia local La Cava tabata instrumental den e ehecucion di e di 3 edicion di e competencia bi-anual organisa p’e rum Venezolano ganador di premio internacional. Anfitrion tabata e celebridad di e mundo di bartending Tad Carducci, Director di Spirits Education na Domaine Select Wine & Spirits.

E panel distingui di hurado a consisti di Eric Lorincz, hefe bartender n’e iconico bar Mericano na e Savoy Hotel di Londres; Pamela Wiznitzer, un di USA su top mixologonan; y Kevin Brauch, un chef famoso Canades y orador.

 

Participantenan a pasa den diferente rond y a huzga nan cocktail original basa riba tres criteria principal cu ta tecnica, presentacion, decoracion y aspectonan organoleptico (manera smaak, textura, aroma y balans).

E aña aki mas di 1.200 bartender a drenta e competencia for di 40 pais.

Rum Diplomatico actualmente ta obtenibel na bar selecta na hotel y otro establecimentonan prestigioso rond di nos isla. Pa mas informacion, por fabor bishita www.diplomaticoworldtournament.com of www.rondiplomatico.com.

Top