Fiscal a demanda castigo di 18 luna pa O.L.J, kende ta bisa di no tabata sa cu e mucha muher tabatin 14 aña

O.L.J. a wordo acusa di, den e periodo di 2 te 18 di october 2016, a comete abuso sexual contra un persona cu e tempo ey tabata menor di edad.

Exigencia di Fiscal tabata 18 luna, di cual 6 ta condicional y un tempo di prueba di 2 aña.

Abogado di O.L.J tabata Chris Lejuez. Veredicto ta dia 30 di maart pa 8.15 di mainta.

 

O.L.J. a bisa den Corte ayera mainta, cu e no tabata sa cu e mucha tabatin 14 aña, pero pa ley y hurisprudencia realmente no ta importa si e sa of laga di sa.

Na Polis, O.L.J. a declara cada bez algo totalmente otro tocante e aspecto aki, asina ta cu Fiscal a sali di declaracion di e mucha cu el a bise prome cu nan a haci sex.

 

Cu e sex tabata boluntario tampoco ta haci ningun diferencia. Sex cu un mucha ta castigable con cu bo kier bire.

Fiscal di Ministerio Publico a duna di conoce tambe, cu ne alturanan aki e castigonan den abuso di menor di edad ta den hopi discusion na Aruba.

 

Entre otro, riba FB y na radio, Fiscal ta bisa cu e no tin cu bisa e presentenan esey. Tin biaha publico ta bisa cu mester benta yabi afo y e cuentanan ey, y otro biaha publico kier p’e hende sali hasta liber pero like right right now.

 

Pa ley sinembargo, tur hende ta pareu, segun e miembro di Ministerio Publico.

Loke ta conta negativamente p’e sospechoso aki y pues a pisa riba e castigo ta cu Fiscal a exigi pe tabata, cu e tabata sa of mester tabata sa cu e victima tabatin 14 aña di edad. Cu el a haci sex cu ne sin usa proteccion, ta te ora cu e victima a sali na estado, el a lage cay y a bisa e mucha di 14 aña aki cu e no ta tuma responsabilidad pesey.

 

Fiscal a tuma e hecho aki masha na malo y mester bisa cu tabatin hopi hende den tribuna publico di Corte, kendenan na final a aplaudi loke cu Fiscal a trece dilanti contra di e sospechoso.

 

Awe Corte di Husticia tin riba rol otro caso di abuso di menor di edad pa trata.

Leave a Reply

Top