Fiscal a demanda castigo di 3 aña y 6 luna pa Pastor abusador/pedofiel

 

Diahuebs ultimo Corte di Prome Instancia a trata e caso di e sospechoso L., kende lo ta un pastor di un misa, kende dia 10 di october aña pasa a trata na viola un mucha menor di edad. Y esaki no ta prome biaha, pasobra dia 4 di april 2015, el a hasta penetra e mucha aki.

  1. ta manera a perde lenga y no kier a contesta preguntanan haci pa Huez ni tampoco pa Fiscal y a bisa cu su abogadonan lo papia p’e. Su abogadonan tabata mr. Lejuez y Illis.

 

Tabata un patruye policial a descubri un auto porta habri riba Sero Cristal, pero e sospechoso unabes descubri, a dicidi di core bay laga Polis atras, cu a cuminsa cu un persecusion y tabata banda di veld di Brittania cu nan a pone mal riba e malhechor aki.

Aki a haya L, sin carson, sin jockey bisti y el a lucha cu Polis cu kier a sake for di e auto.

 

Pa straño cu por zona, loke hopi hende no kier kere, cu raport di un psicologo ta bisa cu e homber aki, no ta consciente di loke e ta haci.

Siendo e mesun sospechoso aki a viola e propio mama di e mucha. Ta varios biaha e mesun malhechor aki a trata na viola e mucha aki.

 

Awor de pronto, L. ta mentalmente malo. Pero Fiscal no a demanda un castigo mas pisa, di unicamente 3 aña y 6 luna sera. Huez lo dicta sentencia dia 16 di februari awor, pero manera menciona, den pueblo ora cu a tende loke cu Fiscal a pidi aki, no a cay na agrado.

 

Otro asunto cu a keda cuestiona t’e hecho cu abogado a pidi Huez pa tene cuenta cu prensa a saca potret sunu di e abusador aki caba, y nan no ta di acuerdo, pasobra e momento ey e pedofiel no a ser condena ainda.

Prensa lo no haya un oportunidad mas pa saca su potret sunu y tipo di hendenan asina no merece pordon, sigur no di prensa cu sa mas di e casonan aki.

E abogado a pidi Huez pa tene cuenta cu e publicacionnan aki, pa tene e castigo abao. No por!!!

Top