Fiscal a pidi 25 aña di prizon pa Nitzael Padilla Gutierez kende a tira agente policial Bakx

KRALENDIJK – Ayera mainta, Fiscal di Ministerio Publico (OM) a tene su rekisitorio den caso “DRUM” na Bonaire. Ta trata di un caso cu varios acusacion contra un of mas di e 7 sospechoso, variando di posecion di arma di candela ilegal, traficacion di hende, traficacion di droga, atraco cu violencia y morto di Polis Ferry Bakx.

Ta trata di hechonan cu a tuma lugar na luna di augustus 2016 na Bonaire. OM BES a baha masha pisa mes den demanda pa castigo y ta spera cu Huez lo dicta conforme e demanda.

 

E demanda di OM BES den e caso aki ta lo siguiente: Nitzael Padilla Gutieriez (Venezuela, 1995) 25 aña prison; Rachyt Saragoza (Bonaire, 1975) 20 aña prison; Chanon Rivera (Venezuela, 1983) 18 aña prison; Jose Enrique Exposito Perez (Venezuela, 1988) 16 aña prison;

William Padilla Marin (Venezuela, 1986)15 aña prison; Fransisco Padilla Marin (Venezuela, 1988) 15 aña prison; Fransisco Carrasquel Alfonso (Venezuela, 1988) 15 aña prison.

 

Tambe a entregá na Corte varios peticion pa daño perhuisio. E montante ta suma mas o menos 14.000 dolar. Ta trata di daño perhuicio di famia van Dijk y partner di Ferry Bakx.

T’asina cu famia di difunto a anuncia cu nan ta bay iniciá tambe un proceso di daño perhuicio pa medio di Corte Civil.

 

Ayera y awe ta sigi e parti di defensa, repliek y dulpiek. Ta programá cu diarazon atardi ta clausura e tratamentu di e caso cu e ultimo palabra di e 7 sospechosonan.

 

 

Leave a Reply

Top