Flexiteam a tene 160 control di 23 pa 29 di october

Durante e siman cu a pasa Flex Team a tene vigilancia y control na diferente parti di Aruba.

Na momento cu a topa acumulacion di grupo (samenscholing)  na altura di luganan conoci manera Manuelito’s, Circle K, Hotel Bacarat, casnan di pueblo na Noord, madiki, casnan di pueblo na Seroe Patrishi, esaki ta wordo atendi cu mannan fuerte.

Localidadnan manera Lekker, De Olde Molen, y Cas Casuela a wordo controla y a pecura cu despues di e orario di cierre tur hende a bay cas mas lihe posibel.

 

Samenscholing na Eagle Beach:

Tur e gruponan cu durante oranan di anochi tabata para na altura di Eagle Beach, y kendenan tabata uza bebidanan alcoholico den combinacion cu musica duro a wordo atendi y manda for di e sitio. Y esnan riba cualnan tabatin algun tipo di sospecho a wordo controla. Esaki pasobra e gruponan tabata keda por ehempel diadomingo te den oranan laat di anochi ta scucha musica na volumen halto. Ta tolera musica na un volumen abou te cu 11’or di anochi.

 

Grupo na The Village

Tur e gruponan cu durante oranan di anochi tabata riba e parkeerplaats na The Village, y esnan cu tabata bebiendo bebida alcoholico a wordo atendi y cori for di e sitio. Aki tambe esnan cu nan tabatin algun sospecho riba nan a wordo controla.

 

Control Carubbean festival

Riba diahuebs 26 di october 2017 Polisnan a tene un control den binnenstad di San Nicolas entre 7’or y 10’or di anochi relaciona cu Carubbean Festival. Siman pasa a constata cu tabata hopi trankil y den caya tambe. Bou di un mata banda di Pacifico a controla algun mucha homber pero no a haya nada straño. Na altura di ex edificio di DOOV tambe a controla un grupo di hoben pero tampoco a haya algo straño riba nan.
Accion combina cu Atraco Team riba 27 di october

 

Hunto cu persona di AT y Atraco Team a drenta un cas na Dakota den Fijostraat en busca di un sospechoso. Riba etereno a haya diferente mata di marihuana. Esaki na wordo confisca na interes di investigacion y despues a wordo pasa pa departamento di droga.

Mas laat e sospechoso a wordo señala den bisindario di Mabon y el a keda aresta eynan.

Tambe a detene e homber DK pa buracheri. Esaki a sosode rond di 6.10 di mainta. E miembronan di Flexi Team a mira un mucha homber cu tabata mustra hopi bou influencia di alcohol. Tabata trata di DK y a dicidi di hibe warda na Shaba. Nan a sere te ora su buracheria pasa.

 

 

Spotcheck control:

A controla diferente auto y cantidadnan chikito di marihuana, cocaina, piedra, sker, cuchiuw, grinder a wordo haya y confisca.

Den e periodo en cuestion a tene 160 control.

 

Leave a Reply

Top