Flory Kock y Lucien Peterson t’e Most Valuable Swimmers 2016 di Aruba Dolphins

 

Diasabra dia 11 di maart 2017 na Parke Arawa e equipo di natacion Aruba Dolphins a tene su evento pa premia esnan cu mas a destaca den 2016.
E premio “Most Valuable Swimmer” a cuminsa oficialmente na aña 2003 unda cu directiva hunto cu coachnan a bin cu e idea di nombra 1 landado femenino y 1 landado masculino como e mihor landador di e aña anterior.

 

Na aña 2013 despues di 10 aña directiva di Aruba Dolphins a dicidi di amplia e premiacion.

Ta duna premio den e categoria 8 & under, 9-10, 11-12, 13-14 y 15 y mas pa mucha muher y mucha homber. Pues ta saca 10 ganador y di e 10 ganadornan aki lo saca esnan mas destaca y lo t’e Most Valuable Swimmers pa 2016.

 

E escogencia pa aña 2016 no tabata facil. Coachnan mester a kibra cabes y considera e diferente desaroyonan cu a tuma lugar den 2016.

Tabata tin bastante campeonato local e internacional na unda landadornan di Aruba Dolphins a participa como club of representando Aruba.

No ta tur ora e landadornan ta haci progreso. Tin ora nan ta keda pega na un caminda. Esaki ta hopi frustrante.

Malesa, scol y otro factornan tambe a hunga un rol den e desaroyo di diferente landador. Pero tambe tabatin landadornan cu a haci tremendo progreso.

Esnan cu a ricibi e premio e aña aki a traha duro p’e.

 

E ganadornan pa 2016 ta:

Seccion femenino: 8 & Under: Liv Farro: 9-10 aña: Vera-Elise Bakmeyer: 11-12: Amy Pichardo: 13-14: Elisabeth Timmer: 15 & Older: Flory Kock.

 

Masculino: 8 & Under: Inald Fernandes Perna: 9-10 aña: Ronald Fun: 11-12: Darwin Marchena: 13-14: Lucien Peterson: 15 & Older: George den Dunnen.

 

Despues di profundo analisis coachnan a scoge Flory Kock y Lucien Peterson como MVS pa aña 2016.

Directiva di Aruba Dolphins ta felicita tur e ganadornan y ta gradici Tri-bike pa yuda cu e premionan.

Pa mas informacion y potret bishita www.arubadolphins.com

 

 

 

 

Leave a Reply

Top