For di 10’or di mainta pa 2’or di merdia: Agricultornan local ta invitabo pa bishita e Farmer’s Market diadomingo awor den Wilhelmina Park

Renaissance Aruba ta kere firmemente den productonan local y ta sostene nos agricultornan cu nan tremendo trabao di tin nan propio cosecha.

Sigur algo di admira con nos propio hendenan ta planta, cuida y produci aki na Aruba mes. P’e motibo aki Renaissance Aruba ta invitabo n’e prome ‘Farmer’s Market’ den Wilhelmina Park.

 

Diadomingo 5 di februari mainta bishitantenan por cana di ‘tent pa tent’ den Wilhelmina Park y admira productonan local cultiva na Aruba.

Renaissance Aruba den colaboracion cu Santa Rosa lo promove un bida mas saludabel y organico.

Na mes momento ta conscientisa nos comunidad riba e uzo di productonan fresco cultiva na Aruba.

 

E ‘Farmer’s Market’ lo cuminsa 10’or di mainta y lo ta habri te cu 2’or di atardi. Lo bay tin tentnan di e.o. Sam Wine & Casheu liquor, Nonna’s Gourmet cu su famoso Picca Jelly, Smoothies di Irma Heronimo, Magdalena Tromp cu diferente medicina natural, Rosa Alberto tambe lo tin medicina natural, pero traha cu ginger, sra. Beatrix Croes cu a prepara productonan traha cu aloe, sr. Jose Quevara cu lo presenta cuminda vegetariano, Mi Simia cu nan productonan fresco organico, sr. Anthony Hagedoorn cu lo tey cu pisca fresco y mucho mas.

 

Un mainta pa bin hunto cu famia pa aprecia, aporta y pasa un momento agradabel sosteniendo Aruba su productonan local. Lo bay tin entretenimento bibo, un kid’s corner y tambe varios otro actividad.

Un invitacion na pueblo di Aruba pa bishita e ‘Farmer’s Market’ y sostene nos agricultura.

Pa mas informacion por yama 523-6115 of bishita Renaissance Aruba su pagina di Facebook, www.facebook.com/RenaissanceAruba/events.

 

Top