For di awe CONCACAF tin su congreso anual na Aruba

For di awe diarazon, delegadonan di CONCACAF, cu t’e confederacion di futbol bou cual Aruba ta pertenece, lo cuminsa yega Aruba.

A scoge nos isla pa tene e congreso anual, cu lo tuma lugar den Renaissance Hotel. Ta bon pa bisa cu esaki ta e prome biaha den historia cu CONCACAF ta scoge nos isla como sede y lo t’e prome biaha den historia tambe cu nos lo ta honra cu presencia di e Presidente di CONCACAF y Presidente di FIFA riba nos isla.

 

Tur esaki ta danki n’e bon relacion entre AVB di Aruba y e organisacionnan internacional, cu na mas di un ocasion ta considera AVB como un ehempel pa otro paisnan miembro den nos region.

Mirando e balor historico aki pa nos isla, nos ta convenci cu Prensa Deportivo lo tin hopi interes pa cubri e eventonan rond di e congreso aki, cu lo atrae mas o menos 250 delegado for di Canada te cu islanan Caribense.

 

Lo tin algun evento preliminar n’e congreso, cu kisas prensa deportivo lo ta interesa, pa cual ta conseha pa mas pronto posibel registra via e website indica den e documento adicional, p’asina garantisa bo entrada specialmente n’e congreso diasabra awor.

 

Top