For di Polis, Nos a recibi resumen di control di trafico dianan 28-29 october 2017

Dianan 28 y 29 di october ultimo, Districto di Noord y Districto di San Nicolas a organisa control di trafico.

Un que otro a tuma lugar entre 18.00 te cu 7.30 di mainta. Unidadnan cu a participa den e accion aki ta Unidad di Motorisa, Division di Algemene Recherche District 2 y Strandpolitie.

 

Varios sitio e controlnan aki a tuma lugar e.o. banda di Wendy’s Tanki Leendert, na OK Supermarket na Tanki Leendert, na Maduro Travel na Tanki Flip.

N’e luznan di trafico na Palm Beach, na Irausquin Boulevard na altura di “297” y na “Gusto”.

Tambe a bishita “Lekker” na Palm Beach y “Oude Molen” na Irausquin Boulevard.

 

Un total di 10 Polis a participa n’e controlnan aki. A controla un total di 264 auto, a duna un total di 135 procesverbal.

A detene un total di 7 persona, pasobra nan tabata core auto bao di influencia di alcohol y2 persona a keda deteni, relaciona cu actonan di maltrato den grupo.

Un total 17 auto a ser hiba pa Warda di Polis na Shaba, unda e doñonan mester bin cu nan documento y paga p’e trabao di takel prome cu nan por bay cu nan auto.

 

Control San Nicolas

Diasabra 28 di october a tene control tambe riba trafico, unda nan a para como 100 auto. A traha 82 procesverbal y 4 auto a ser hiba Warda di Polis.

Mayoria di e boetnan duna ta relaciona cu e chofernan no tabatin nan documento na ordo.

1 Chofer a keda deteni di acuerdo cu articulo 5-A van de Landsverordening Weg Verkeer.

 

E controlnan a wordo teni na altura di La Granja y na altura di SETAR N.V. na van Slobbestraat.

 

Leave a Reply

Top