Fraccion di AVP a vota contra mocion ilegal di Andin Bikker

Reunion publico a wordo yama pa oposicion pa atende cu e preocupacion riba criminalidad.

Pero oposicion no ta serio den esaki, pasobra criminalidad mes nan no a trece dilanti.

Oposicion a yama e reunion aki pa presenta un mocion di desconfiansa contra Minister di Husticia Arthur Dowers, pretendiendo cu asina ta caba cu criminalidad.

 

Andin Bikker como “verlengsnoer” a laga su mes wordo uza pa MEP pa entrega e mocion di desconfiansa aki y fraccion di AVP ta cuestiona e legalidad di e mocion entrega ya cu Andin Bikker a entrega e mocion aki den nomber di PDR y segun informacion den medianan el a wordo “geroyeerd” for di partido PDR. Esaki ta nifica e ora cu e mocion aki ta ilegal.

 

Fraccion di AVP a cay rib’e posibel ilegalidad di e mocion di desconfiansa aki y a vota contra di e mocion enfatisando cu no ta acepta ilegalidad den Parlamento.

Top