Fraccion di AVP: Mira con MEP ta purba gaña cu nan ta bay trabou

 

Dos siman pasa, Comision di Husticia di Parlamento a reuni cu Minister di Husticia y Ministerio Publico rib’e problema cu Ministerio Publico ta pidi castigonan asina abou den casonan di abuso di mucha y Corte di Husticia ta duna castigonan hopi mas abou cu ley ta permiti nan pa duna. Parlamento tabata kier sa pakico Ministerio Publico ta pidi castigonan asina abou y pakico Corte di Husticia ta duna castigonan asina abou, siendo cu fraccion di AVP a aumenta e castigonan te dobel di loke nan tabata. Parlamento tabata kier sa pakico no ta ni sigui e liña di pensamento di Corte di Europa.

 

Durante di e reunion aki e fraccion di MEP a presenta cu apenas dos miembro y tur dos miembro di MEP a sali di e reunion prome cu esaki a caba. Den prensa MEP ta purba crea e impresion cu ta henter e fraccion a bay traha e dia ey. MEP ta sigui kere cu nan por sigui gaña.

E berdad ta sali na cla toch. Pueblo ta haya sa semper kico di berdad a sosode. Mientras cu mayoria di MEP no ta ni bay trabou of atende reunionnan importante, nan ta purba gaña pueblo cu potretnan cu ta duna un impresion robes. Ata akibou e presencia di MEP den e reunion cu Ministerio Publico y Minister di Husticia y e potret cu MEP a pone den corant.

 

E participacion di MEP na un reunion asina importante tabata atrobe asina malo, pero pafo MEP ta purba crea e impresion cu nan ta masha preocupa y cu nan ta traha duro pa yega na un solucion. E berdad ta tur lo contrario. MEP a priminti di traha un ley y nunca nan a hacie.

Nan ta grita cu nan kier bin cu solucion, pero ora di reuni nan no ta presenta na trabou.

MEP no ta haci nada concreto, pero ta purba crea e impresion cu nan ta haci masha hopi y ta masha preocupa. Pero bes tras di bes, nan gañamento ta sali na cla. #BonoporconfiaMEP

Top