Fraccion di MEP: Candidatonan di Partido MEP cu un tremendo Festival di Sopi

Diabierna ultimo durante e celebracion di inauguracion di “HOTZONE” na CEDE di MEP na Santa Cruz, Candidatonan di MEP a contribui cu un tremendo Festival di Sopi. Ya for di 5’or di atardi e publico a yega nos CEDE pa bin busca nan sopi crioyo.

 

En total tabatin 8 “stand” di sopi. Cada un tabata tremendamente bon den sabor.

Team Amy Richards a trece un dushi Sopi di Galiña. Sopi di Mondongo cu Team Evelyn a trece a cay na agrado di un y tur. Team Shailiny Tromp-Lee y Team Endy Croes a trece un delicioso Sopi di “Seafood”. Un bon sopi di “Mushroom” a wordo prepara pa Team Luigi Bergen. Team Ady Thijsen su sabroso Sopi di Galiña a caba hopi tempran.

Publico a saboria Sopi di Oester cu Team Setty Yarzagaray a prepara. Sopi di Pampoena no a keda afo ya cu Team Mireille a bin bon prepara cu un wea grandi.

 

Asina e publico presente a disfruta di un anochi di Sopi mientras nan por a combersa un tiki tambe cu e candidatonan. Algun candidato a priminti cu nan lo ripiti un evento di Festival di Sopi.

 

Aruba, keda pendiente pa tur actividad benidero di bo Partido MEP. Hunto nos ta bay pa e cambio y pone Aruba bek den e rumbo cu nos merece.

Top