Fraccion MEP: Parlamentarionan di MEP presente na Acto Protocolario pa Dia di Betico

Diaranson atardi, Parlamentarionan di Fraccion di MEP a acudi na Plaza Libertador Betico Croes pa forma parti di e Acto Protocolario y Manifestacion Cultural pa celebra Dia di Betico.

 

Un atardi ameno den cual Parlamentario Glenbert Croes den nomber di Famia Croes tambe a hiba palabra pa conta un tiki mas di e ehempelnan cu su tata Betico Croes como maestro di scol a laga pa nos pais.

 

Nos Fraccion a felicita esnan presente y a pasa saluda nos Gobernador Boekhoudt y su señora. Entre e invitadonan tambe tabata t’ey presente e Cuerpo Consular di Aruba.

 

Despues di e Acto Protocolario nos Fraccion a asisti na e Manifestacion Cultural cu bunita presentacion di grupo di baile y canto.

 

Un palabra di danki ta bay na e Comision Celebracion Dianan Nacional pa e bunita evento pa celebra Dia di Betico 2017.

Top