Frederick Nuboer a pidi su retiro

Tabata diabierne ultimo, cu Federick Nuboer, Director di InselAir Aruba a entrega su retiro. Relaciona cu e retiro aki, Federick Nuboer a convoca un conferencia di prensa awe mainta pa 9 or na Oficina di InselAir Aruba na Wayaca, unda e lo duna detaye di e pakico di su retiro.

No ta un secreto cu ultimo tempo InselAir a confronta cu hopi problema, e.o. problema financiero, cu a pone cu varios empleado a pidi nan retiro.

 

Despues cu tur e problemanan aki a cuminsa, practicamente InselAir Aruba no tin ningun ningun buelo mas cu ta sali for di Aruba, pero mester e rutanan cu tin via di Corsou. Loke nifica cu InselAir Aruba no tin ningun ruta mas, cu excepcion pa Corsou so directamente. Hasta e buelo directo pa Bonaire a ser kita y asina InselAir Aruba a para caba na nada y a keda un sucursal pa InselAir Corsou.

 

Awe mainta lo bay tende mas di e motibonan di retiro di Federick Nuboer. Maske cu ta conoci cu e hecho cu Gobierno di Corsou a dicidi di inyecta algun miyon den e compania, cu esaki mester paga den un reorganisacion grandi.

Organisacion hasta den e top di InselAir, y como tal lo ta un di e motibonan cu Federick Nuboer a tene honor na su mes y retira, maske cu tin mas den top cu tin cu bay tambe.

Cu manera ta ser bisa na Corsou, tin mucho toko den toko, nificando cu den top tin cierto negoshi ta wordo haci, mirando nan interes personal y no di e compania.

Top