Fundacion Casa Cuna a conmemora 60 aña di existencia

 

Stichting Casa Cuna Progreso a celebra su 60 aniversario den compania di su empleadonan, directiva y amigonan cu di un of otro manera a contribui diario of temporalnente n’e bienestar di nos muchanan.

E recepcion aki a tuma lugar den Alhambra Ballroom y ta un regalo di parti di Grape Holding pa Casa Cuna.

Presente tabata Gobernador Alfonso Boekhoudt, Presidente di Parlamento, drs. Mervin Wyatt Ras, kende ta ser considera un amiga fiel di Casa Cuna y tambe Minister mr. Angel Bermudez, como Minister a.i. di Asunto Social.

 

Maestro di Ceremonia tabata Vivian Carter, kende a introduci e oradornan, cu tabata e.o. Minister Angel Bermudez, sigui pa Presidente di SCCP, Carlos Albertus y finalmente Directora, Quilin Arends Maduro.

E Directora, a considera e anochi aki como un anochi pa duna danki na tur esnan cu for di inicio pa awor a traha duro pa Casa Cuna.

 

SCCP ta un internado cu tin como meta pa temporalmente cuida y educa muchanan entre 0 -8 añja den un ambiente di amor; cariño y seguridad.

E ambiente di Casa Cuna ta pa brinda e mucha guia y yudansa pa nan por crece bira un adulto independiente y prepara pa un mihor bida den comunidad..

Casa Cuna ta sostene e pensamento, cu cada mucha tin derecho riba afeccion, amor, atencion y structura.

Pabien un biaha mas, di parti di nos di AWEMainta.

 

 

Top